Gló Magnaða

Miggudagur

2008-07-02T11:17:00.003+01:00

Ójá, allt í fúllsvíng :-)
Tók góða lyftingaæfingu á hendur í gær, og svo skokk á þrekstiga í gærkvöldi.
Fór svo í tíma niðri í Laugum kl. 6:30 í morgun, Groove step. Ógó skemmtilegur tími :-)
Mataræðið er alveg í góðu, Fiskibollur í kvöldmat í gær, hafragrautur og banani í morgun... Fer svo í hollustuhlaðborð í hádeginu, skyr seinni partinn og kjúklingur í kvöldmat.
Svo fer ég reyndar í saumó í kvöld sem gæti ruglað aðeins systeminu :-/ En þá er bara að reyna að velja hollt :-)
Ætla að taka með mér skyrtertu...
Í fyrramál er spurning um spinning kl. 6:30... Hvernig hljómar það?
Bkv. Glóin

On the road again...

2008-07-01T11:48:00.002+01:00

úff, best að koma sér aftur formlega af stað :-)
Hef sossum verið að halda mér í horfinu, en ekki verið nógu dugleg að halda öllu í rútínu.
Nú verð ég að halda vel á spöðunum, enda frí og útilegur endalaust næstu vikurnar! Og þá verður barasta að búa til e-ð prógramm til að fara eftir, svo að vigtin fari ekki í vitleysu :-)
Þessi vika á að vera svona hreyfingarlega séð:

Þriðjudagur
Hádegi: lyfta efri hluti
Kvöld: Göngutúr/hjólatúr í amk 40 mínútur

Miðvikudagur
Morgunn: Lyfta neðri hluti
Kvöld: Ganga/skokk 40-60 mín

Fimmtudagur:
Morgunn: Brennsla 60 mín

Föstudagur
Hádegi: Lyfta efri hluti

Verð svo í ferðalagi um helgina, en stefni á amk útiskokk... Vonandi kemst ég líka í ræktina :-)

Hvað mataræðið varðar, þá hef ég eiginlega ekki nógu gott plan :-(
Jú, hafragrautur á morgnana, hrökkbrauðssneið eða ávöxtur í millimál, og svo velja hollt úr hlaðborðinu í vinnunni í hádeginu (ekki erfitt sko :-))
Seinni partinn þarf ég að koma inn e-u prótínríku (kaupa eas dót eða skyr) og reyna að halda kvöldmatnum hollustusamlegum.

Ef e-r veit um hollan skyndibitastað á þjóðvegi 1 þá má hinn sami endilega láta mig vita!!!
Gló í gír

Allt í gír

2008-04-23T15:02:00.002+01:00

Fínn gærdagur, og só far góður dagur í dag :-) Komst að vísu ekki í aukabrennsluna í gær (of þreytt) en mataræðið var tipp topp.
Dagurinn í dag er svona:
07:00 Polar extrem með 17% osti og sykurlausri sultu
10:00 banani
13:30 Kea skyr og 1/2 samloka með kjúklingaskinku og 17% osti
16:30 prótínbar
20:30 Hamborgarar (heimagrillaðir)

Er með grillboð í kvöld, og verð með alvöru hamborgara með fullt af grænmeti í boði :-)

Fór í ræktina í hádeginu og lyfti vel á neðri hluta... Gaman að því :-)
Glóin

Tíðindalaust á fitupúkavígstöðvunum

2008-04-22T10:53:00.002+01:00

Ég er enn mjög dugleg í ræktinni, og passa mataræðið :-)
Er enn að grennast og styrkjast, en léttist ekki :-( ég verð nú bara að segja að mér finnst þetta alls ekki fyndið lengur. Komnar 14 vikur af "beisikklí" hollu mataræði og mikilli hreyfingu, án mikils árangurs. Auðvitað svindla ég inn á milli, en á svindldögununum fer ég kannski upp í 2000 kcal, sem ætti að vera "eðlileg" hitaeininganeysla fyrir manneskju eins og mig.
En það þýðir víst ekki að sýta þetta mikið, ég finn að mér líður mun betur og er hraustari og í betra formi en áður, og ég lít miklu betur út.
Nýja planið mitt er að bæta við brennsluna, ætla að bæta við amk 30 mín brennslu á hverju kvöldi. Það fer þá í 90 mín brennslu á "brennsludögum" (þri, fim, fös) sem vonandi skilar e-u :-)
Glóin

Páskarnir búnir

2008-03-27T09:02:00.002Z

Sem er alveg ljómandi gott... Þessa 5 daga gúffaði ég í mig eins og það væri enginn morgundagur... Og ojjbarasta hvað ég var útblásin á þriðjudagsmorguninn! Ég á sossum enga vigt, og veit ekki hvort ég hef þyngst, en vonandi rennur það nú af aftur í "venjubundnu" mataræði. Svo erum við flutt aftur heim, og nýja eldhúsið komið í gagnið, svo nú duga engar afsakanir!!!
Gærdagurinn var fínn matarlega séð, og ég lyfti líka vel á efri hluta. Ég kemst ekki í ræktina í dag (vinna til amk kl. 20 í kvöld) en mataræðið á að vera svona:
08:00 Hafragrautur
10:00 Epli
12:00 E-ð á hádegisverðarfundi sem ég fer á... Vonandi get ég fengið e-ð hollt
15:30 Myoplex lite drykkur
20:30 Eggjakaka

Verð á fundi milli kl. 16 og 20, veit ekki hvort nokkuð almennilegt verður í boði (venjulega bara kex og kaffi sko...) svo að ég held að ég geymi bara kvöldmatinn þar til um kvöldið :-)

Knús á liðið,
Glóin

Ógó svöng!!!!

2008-03-19T13:20:00.003Z

Og langar endalaust í óhollustu þessa dagana :-(
Reyni samt að halda mér í skefjum sko... En dett soldið í brauðið.
Eníveis, er dugleg í ræktinni, er að fara 4-5x í viku, og er mjög dugleg að lyfta með einkaþjálfaranum. Sé fram á nett sukk um páskahelgina, fermingarveisla á morgun, og svo auðvitað páskaegg á sunnudag ;-)
Ég verð bara að reyna að hreyfa mig vel og hemja að öðru leyti!!!
Það var enginn léttingur síðast heldur... En sentimetrar og fitu% fara enn niður... En vá, hvað ég væri til í að þessi helv. vigt færi að hreyfast!!!
Þarf að bæta vel í brennsluna, og prufa að taka út kolvetnin meira...
Glóin

Fimmtudagur

2008-03-13T09:26:00.002Z

Og ball á morgun :-) Jamm, ætla að skella mér á Sálina á morgun og hlakka mikið til. Er að vísu ekki búin að ákveða í hverju ég fer og finnst allt asnalegt á mér :-( En hlýt að finna út úr því.
Mataræðið hefur verið alveg glimrandi, ræktin ekki alveg jafn mikil ;-) Er búin að vera með útlendinga í vinnunni, sem taka MIKINN tíma, en nú eru þeir sem betur fer farnir heim :-)
Gærdagurinn:
07:00 hafragrautur
12:00 Túnfiskur, kálfakjöt og grænmeti
15:00 EAS prótínbar
19:00 salat og pínu kjúklingur
Hehe, þegar ég skrifa þetta niður, þá sé ég að það er soldið lítið og langt á milli. Eníveis, reyni að standa mig betur í dag :-)

Dagurinn í dag á að vera svona:
07:00 Polar-extrem með osti og sultu
10:00 Skyr
12:30 kjúklingur, grænmeti og hrísgrjón
15:00 EAS prótínbar
18:30 Fer í matarboð... Vonandi ekki allt óhollt...

Stefni svo á að byrja nammidag seinni partinn á morgun (eftir mælingu og einkaþjálfun ;-))
Knús, Glóin

Ekki týnd...

2008-03-10T12:44:00.003Z

Bara búin að vera lasin og tölvulaus ;-)

Já, það réðst ógeðsleg pest á familíuna, og við erum öll búin að liggja. Vonandi hafði minnkandi matarlyst e-ð smávegis að segja...

Annars er ég bara í góðum gír :-) Ekki alveg nógu dugleg að brenna, en mjög dugleg að lyfta. Þarf að koma mér í brennslugírinn, og finna sossum eins og 4 auka klukkutíma í vikunni ;-)
Mataræðið hefur gengið fínt. Hef haldið mig frá óhollustunni að mestu fyrir utan nammidaga. Og er búin að ákveða að skera brauð niður eins og ég get. Hef þess vegna keypt mér slatta af EAS vörum. Ég veit að ég verð fljótlega leið á þeim, en þetta er ágætis björgun inn á milli

Annars er dagurinn í dag svona:
07:00 Hafragrautur með léttmjólk
10:00 Myoplex diet bar
12:30 Ávaxtasalat m. vanilluskyr.is (1/2 pera, 1/2 epli, 1 kiwi)
15:30 myoplex drykkur
Kvöldmatur: Veit ekki alveg, er að fara á fund sem verður líklega m. mat... en við sjáum bara til.

Kemst ekki í ræktina í dag, verð að vinna fram til amk. kl. 20, og fer þá á æfingu ef ég kemst...

Fer í vigtun og mælingu á föstudag, omg!
Knús, Glóin

Ull barasta :-(

2008-02-28T08:57:00.002Z

Ekki var það neinn léttingur :-(
Mér finnst ógó fúlt að léttast bara ekki þó að ég sé ógó dugleg í mataræði og hreyfingu :-/
Eeeeen jákvæðu punktarnir eru að ég missti 8 cm og 2 fitu%. Og er reyndar á blæðingum sem gæti skýrt að ég léttist ekkert. En nú er bara að halda ótrauð áfram :-) Ég finn alveg vöðvana stækka og að vöxturinn er að breytast, svo nú er um að gera að missa ekki móðinn :-)
Gærdagurinn var fínn æfingalega, og framan af matarlega ;-) Fór nebblega í saumaklúbb og smakkaði aðeins á gúmmulaðinu... En lét nammið og kökurnar vera
Matseðillinn var:
07:00 Polar extrem með osti og sultu
09:30 Mangó
12:30 skyr.is og samloka m. kjúklingaskinku og osti
15:30 1dl vanilluskyr, 1/2 dl. weetaflakes
18:30 eggjakaka úr 2 eggjum og 1 kartöflu, 1/2 polar extrem
21:30 Gullostur, og hollustueplakaka (epli, spelt, hrásykur, rúsínur) og ávextir

Hreyfningin var lyfting á efri hluta með þjálfaranum :-)

Í dag er maturinn svona:
07:00 Hafragrautur (3,5 dl) með léttmjólk
10:00 Skyr.is
12:30 salat, túnfiskur og kotasæla
15:30 Hrökkbrauð með kjúklingaskinku
18:30 Soðin ýsa

Ætla að reyna að komast í brennslu seinni partinn, á meðan millistykkið mitt er í afmæli :-)
Sjáum bara hvernig það gengur ;-)
Bkv. Glóin

Þriðjudagur :-)

2008-02-26T09:40:00.002Z

Úff, komst ekkert í hreyfingu í gær... En var 100% í mataræðinu :-)
Mexicosúpan var ógó góð (og holl ;-)) og ég þurfti alveg að sitja á höndunum á mér til að fá mér ekki annan disk.
En svo fór ég í ræktina í morgun, og orbaði í 35 mínútur. Nokkuð fínt bara, hafði ekki meiri tíma vegna vinnunnar...
Mataræði dagsins:
09:00 polar extrem með osti
12:00 Salat, tómatar, gúrka og kalkúnaskinka
15:00 Mangó
18:30 Mexicósúpan góða ;-)

Svo er einkaþjálfun í hádeginu á morgun, og svo auðvitað vigtunin eftir hádegið :-)

Glóin í gírnum

Loksins komin tímasetning á vigtun...

2008-02-25T16:14:00.002Z

Fer sumsé á miðvikudag kl. 14:30.
Úff, ég fer bara strax að kvíða fyrir... Verð ógó fúl ef ég hef ekkert lést/fituminnkað/ummálsminnkað, því ég er búin að vera ógó dugleg... Þó ég segi sjálf frá.
Eníveis, vildi bara aðallega skrifa þetta niður svo ég muni sjálf eftir þessu ;-)
Ooooogg hádegismaturinn varð enn einu sinni samloka með skinku og osti :-( Setti að vísu kotasælu líka, og borðaði appelsínu með.
Líst vel á salathugmynd Dídíar, gallinn er bara að ég hef lítið ískápspláss hér í vinnunni fyrir hráefni og afskaplega takmarkaðan tíma til að útbúa svona á morgnana, þegar verið er að koma grísunum þremur af stað... En ég reyni ;-)
Glóin

Hugmyndasnauð...

2008-02-25T11:36:00.002Z

Já, nú þarf ég e-ð að finna út úr mögulegum hádegisverðum... Þ.e. fyrir vinnuna. Ennþá mánuður í að mötuneytið opni, og ég er ekki með örbylgjuofn eða mixer hér í vinnunni. Þá minnka möguleikarnir slatta mikið sko ;-)
Það er alltaf boðið upp á brauð, álegg og skyr/jógúrt, en það er að mínu mati alveg komið nóg af samlokum með skinku og osti ;-)

Helgin gekk annars ágætlega fyrir sig... Fór í pizzuna á föstudaginn (greinilega engin staðfesta sko...) og fékk mér meira að segja eina súkkulaðikökusneið á eftir. En það þýðir ekki að sýta það.
Tók svo nammidag með trompi á laugardaginn (er mjög góð í nammidögum sko...) en vaknaði aftur staðföst í gær.
Borðaði helst til strjált og lítið yfir daginn, en bara hollustu :-)
Endaði með að vera að vinna á fótboltamóti meira og minna allan daginn í gær, svo ég hef nú örugglega brennt slatta þó ekki væri um eiginlega rækt að ræða ;-)

En dagurinn í dag... Rækt þarf ég að troða inn á e-m punkti, veit bara ekki alveg hvar og hvenær... er alveg að kafna í vinnu nefnilega, og dedline á mörgum verkefnum í dag. Og hádegismaturinn er bara óráðinn. En annars er planið svona:

07:00 Polar extrem m. osti og sultu, te
10:00 skyr.is með jarðarberjum
12:00 E-ð gott og ekki óhollt...
15:00 appelsína og hrökkbrauðssneið m. kjúklingaskinku
18:30 Mexicosúpa

Er annars bjartsýn, kemst vonandi í viktun á morgun :-) Og ætla rétt að vona að vigtarfjandinn hafi e-ð látið segjast ;-)
Glóin

Föstudagur enn á ný :-)

2008-02-22T08:44:00.002Z

Og allt á brjálaðri siglingu ;-)
Það var veisla í vinnunni minni í gær, svo ég sleppti hrökkbrauðinu en fékk mér í staðin 2 kjúklingaspjót. Góð skipti að ég held, ekki kolvetni en fullt af prótíni :-)
Bjarni töframaður var að skemmta í veislunni og er bara massafyndinn ;-) Synirnir lágu amk í kasti, nema sá minnsti sem var skelfingu lostinn...

Var svo með kvöldverðarboð, og bauð upp á tortillas :-) Helling af grænmeti, grófar tortillur, magurt hakk, sýrðan og salsa. Amk ekki óhollt ;-)

Dreif mig svo í turninn í gærkvöldi og orbaði í 60 mín meðan ég horfði á Life. Soldið spes þáttur, gef honum samt örugglega sjens í amk 1 þátt enn ;-) Amk hefði ég ekki viljað láta Dexter flakka eftir að vera ekki alveg viss eftir fyrsta þátt ;-)
Magaæfingaðist líka, en ekkert voða mikið því ég er með svo miklar harðsperrur í maganum...

Dagurinn í dag verður ljómandi góður :-)
Fer að vísu á amk 2 fundi, en næ annars vonandi að vinna vel niður bunkann af verkefnum. Mæti í einkaþjálfun kl. 12:30 og tek neðri hluta :-) Hlakka bara til að fá sperrur í rassinn, svona til að tóna við sperrurnar í maganum frá því á miðvikudaginn.
Mataræðið á að vera svona:
07:00 polar extrem m. 17% osti og sultu
10:00 Skyr.is
14:00 Prótínshake
16:30 hrökkbrauð m. kjúllaskinku
19:00 Pizza... Ja eða sushi? ætla að reyna að draga fólkið í boðinu með mér í sushi át á meðan krakkarnir fá pizzu... sjáum hvernig það gengur ;-)
Á morgun er svo nammidagur :-) Ekkert sérstakt á planinu, nema þá snakk og nammi yfir Laugardagslögunum :-) Kallinn verður að vinna og ég verð með fullt hús af börnum í partýi ;-) Bara skemmtilegt!!!
Glóin

Fiskiveisla hvað...

2008-02-21T14:12:00.002Z

Reyndi að kaupa fisk á fiskiveislu Nóatúns í gær... nema allur fiskurinn var uppseldur ;-) Ja, nema ýsa í raspi og fiskibollur... Svo að ég keypti ýsu í raspi. Borðaði bara lítið af henni og þeim mun meira grænmeti :-)

En dagurinn í dag er svona:
07:00 Polar extrem með sultu og osti
10:00 Skyr.is með bláberjum
12:00 Blómkálssúpa (lítið) og rauðspretta með hrísgrjónum og grænmeti (á fundi úti í bæ)
15:30 Hrökkbrauð með kjúklingaskinku og kotasælu
18:30 Tortillas með hakki og grænmeti

Lítur allt í lagi út, og mér gengur ágætlega að bústa upp prótínið :-) Svo er líka fínt að fá fisk 2 daga í röð... Finnst fiskur æði, en borða hann ekki nógu oft þar sem synirnir vilja helst bara soðinn eða steiktan, enga rétti eða sollis gúmmulaði ;-)

Er með matarboð í kvöld, en ætla að reyna að fara og brenna aðeins í kvöld. Tékka á þessum nýja þætti á Skjá 1 og sjá hvort hann er ekki ágætur til brennsluáhorfs niðri í Turni ;-)

Hef ekkert "svindlað" undanfarnar 2 vikur, og finn hvað sykurþörfin minnkar hratt :-) Verð hins vegar í smá vandræðum annað kvöld þar sem ég fer í Pizzupartý (Dominos, ekki heimabakað :-/) sem telst víst varla hollt... Get eiginlega ekki skrópað, og yrði illa séð með nesti ;-)
Ówell, ég reyni bara að borða lítið!!!
Glóin

Ótrúlegt að það sé strax kominn miðvikudagur!

2008-02-20T08:34:00.002Z

Jæja, gærdagurinn breyttist töluvert frá plani... Ekki til hins verra endilega, en hann varð öðruvísi. Vinkona mín kom óvænt að heimsækja mig í hádeginu í gær, svo ég sleppti ræktinni og fór með henni og fékk mér kjúklingasúpu. Svo virðast synirnir haldnir e-m svakalegum sundáhuga þessa dagana, svo að við fórum aftur í sund í gær. Ég hlýt amk að hafa nýtt allmargar hitaeiningar í þessum kulda ;-).
S.s. hitaeiningarnar urðu svipað margar og áður var planað en hreyfingin minni.
Dagurinn í dag á að vera svona:
07:00 polar extrem brauð með osti og sultu, tebolli
10:00 2 hrökkbrauðsneiðar með kotasælu og kjúklingaskinku
13:30 Hakkið góða (ja, eða ég vona amk að það sé enn gott ;-))
16:00 Skyr og banani
19:00 Soðin ýsa, kartöflur og grænmeti

Fer og hitti einkaþjálfarann í hádeginu, og lyfti á efri hluta :-)

Annars finnst mér ég vera að grennast... Vona bara innilega að það sé rétt hjá mér ;-) Það veitir amk ekki af að fötin fari að passa mér betur. Ég vona bara að það gerist sæmilega hratt núna, hef almennt átt ótrúlega erfitt með að missa e-r kíló, þó að ég borði "rétt" og æfi eins og hestur. En nú í vor ætla ég að halda upp á afmælið mitt í lok apríl með pompi og pragt, og eins er útskriftarafmæli úr menntaskóla í maí, svo ég SKAL vera komin í mína þyngd, eða amk nálægt henni á vordögum. Það eru 10 vikur í afmælið mitt, og þá væri ég ótrúlega til í að vera búin að ná af mér 6-7 kg. Reunionið er svo eftir 14 vikur, og þá væri fínt að vera búin að ná af 8-9 kvikindum... Síðustu 3-4 svo farin af þegar ég fer í sumarfrí um miðjan júlí. En ef þetta á að gerast þá verð ég að halda ótrúlega vel á spöðunum. Get það vel, hef gert það áður og hlýt að geta aftur...
Knús í bili, Glóin

Gærdagurinn stóðst alveg :-)

2008-02-19T09:59:00.002Z

Frekar ánægð með það sko. En djöfull er kallt í sundi!!! Hef ekki farið í sund ógó lengi, og var barasta að frjósa ef ég var ekki í pottinum ;-) Enda getur maður nú ekki synt mikið þegar maður er að fylgjast með 5 ára fjörkálfi sem heldur að hann sé syndur ;-)
Dagurinn í dag verður góður ;-)
Mataræðið:
07:00 Polar extrem brauð með osti og sultu (17% ostur, sykurlaus sulta) og tebolli
10:00 1/2 banani og skyr.is
13:30 afgangur af spagettíi (já, þetta er greinilega óendanlegt... )
16:00 Hrökkbrauð (2) með kotasælu og kjúklingaskinku
19:00 Skyr, ávextir og brauð

Það er s.s. ósk sonanna að hafa skyr og brauð í kvöldmatinn :-) Get alveg orðið við því svona einu sinni ;-)

Fer í ræktina í hádeginu, ætla að brenna og taka góðar magaæfingar. Kvöldið er svo nokkuð óráðið, kannski ég reyni að ná aukabrennslu með því að þrífa kofann ;-)

Bless í bili
Glóin

Ómæ, týndi blogginu mínu :-)

2008-02-18T10:51:00.002Z

Og þá meina ég það bókstaflega ;-)
Ég var að skipta um vinnu og skipta um tölvu, og allt fór í vesen
Þ.e. fyrst fann ég ekki síðuna sjálfa, og síðan neitaði síðan alfarið að kannast við mig ;-)
En vonandi er það nú komið í lag!!!
Er þvílíkt mótiveruð þessa dagana, er í "keppni" í vinnunni um hver missir mest, og eins er ég enn á fullu í LFLK :-)
Eftir að WC opnaði í Turninum er mun auðveldara fyrir mig að skjótast.
Hef haldið mig alveg við "gott" mataræði nema 1 dag í viku, og látið kvöldnasl eiga sig. Hins vegar á ég ekki vigt svo ég veit ekki hvort þetta skilar e-u fyrr en í næstu viku, þegar ég verð vigtuð og mæld í LFLK, þá eftir 6 vikur af aðhaldi.
En gærdagurinn var svona:

07:00 Polar extrem með sykurlausri sultu og osti, te
11:30 Pasta með grænmeti og brauðsneið (jebb, of mikið kolvetni, en ég var í brönsj-i... ekkert hollara í boði)
16:00 Brauðréttur m. grænmeti og skinku (ok, aftur ekki sérlega holt, en var í barnaafmæli og ekkert hollara í boði... er aðallega ánægð með að ég stóðst allar kökurnar ;-))
19:00 Spagettí bolognese. Ógó holt að ég held... Þ.e. 7% nautahakk, kotasæla, gulrætur, brokkolí, laukur, tómatar (ferskir og úr dós), hvítlaukur og sveppir ásamt heilhveiti pasta.

Fór svo út að ganga með henni Búríu, og við gengum í tæpan klukkutíma og svitnuðum vel :-)

Í morgun hafði ég mig á fætur kl. 5:50 og rauk í turninn, tók 45 mín á orbinu og svo magaæfingar.

Og mataræðið:
07:00 skyrdrykkur (2 dl.) með wheetaflakes
10:00 2 hrökkbrauðsneiðar með kjúklingaáleggi og kotasælu

Planið fyrir afgang dagsins:
12:00 Salatbar frá Hagkaupum
15:00 skyr.is drykkur og ávöxtur
19:00 Spagettí bolognese (jebb, eldaði það mikið að afgangurinn er í kvöld ;-))

Var svo búin að lofa grísunum að fara með þá í sund eftir vinnu, svo ég næ mér í smá hreyfingu þar :-)

Og hey, ég er komin með einkaþjálfara :-) Við gellurnar í vinnunni náðum okkur í þjálfara sem við hittum 2x í viku :-)

Bless í bili, Glóin

Upphafsmæling

2008-01-22T13:49:00.000Z

Ómæ... Það var sossum eins og mig grunaði, ég var aðeins búin að bæta á mig frá síðustu vigtun...

En er nákvæmlega jafn þung og í september. Sem er minna en í ágúst ;-)

En tölurnar ljúga víst ekki, og nú er bara að taka á honum stóra sínum. Ég þarf að missa 12 kg til að komast í "mína" þyngd. Ég ætla að reyna að skipta þessu í e-r stig, t.d. hugsa ég að það sé mátulegt að reyna að missa 6 kg á þessum 12 vikum sem námskeiðið er. Það á alveg að takast, ef ég druslast til að gera þetta af viti.

Ég er alveg búin að móta planið í huganum, skrifa það niður þegar ég næ e-m botni í þetta bloggdót... Ég stefni svo á að komast í "fullswing" þegar ég byrja í nýju vinnunni, og kemst þar í ræktina á hverjum degi :-)

Annars fór ég í ræktina áðan og lyfti vel í "Hraðbrautinni" í Laugum. Ágætt að fara þar þegar maður hefur ekki mikinn tíma, tekur á öllum vöðvum, og tekur ca 35 mínútur að fara 3 hringi.

Mataræði dagsins er ca svona:
07:00 Polar extrem m. léttosti og sykurlausri sultu, te
10:00 Banani
13:00 Skyr.is drykkur og hrökkbrauðsneið m. léttum smurosti
15:30 Fátt um fína drætti í eldhúsinu í vinnunni... Líklega skyr samt
18:30 Mér er boðið í matarboð í kvöld, svo ég veit ekki alveg hvað verður í kvöldmatinn. Ég verð bara að reyna að borða skynsamlega af því sem í boði er :-)

Á morgun fer ég út að borða í hádeginu, á Vox. Stelpudúllurnar í vinnunni sem ég er að hætta í ætla að bjóða mér :-) Það er svoooo góður matur þar, og að mestu hollur (sushi, salat ofl...) en eftirréttirnir, OMG! Er að hugsa um að leyfa mér að smakka á Creme brulee inu aðeins, það er bara best í heimi :-) Verð þess vegna að brenna vel á móti!!!

Glóin

ok, formlega orðin brjáluð út í blogger.com

2008-01-21T09:37:00.000Z

Hvað af þessu blog-dóti virkar best? Ég get ekki skráð mig inn nema einstaka sinnum, og get ekkert breytt síðunni :-(
En ég er ekki dottin út úr átakinu samt ;-) Þarf bara að færa það.
Eníveis, síðasta vika tókst vel, fram á föstudag :-( Þá datt ég gjörsamlega í kolvetnin, brauð, pizza, brauð... Hef smá afsökun vegna mikils álags í vinnu og óreglulegs svefns, en auðvitað á ég ekki að leyfa mér að nota svoleiðis afsakanir. Helgin var ágæt, nokkur "svindl" á nammidaginn, en gærdagurinn mjög stabíll:
07:00 Polar extrem með 17% osti og sykurlausri sultu, te
10:00 Appelsína
12:00 Boost, úr vanilluskyri, berjablöndu og hálfum banana
15:00 1/2 polar extrem með 4 sneiðum af kalkúnaskinku, sinnepi og tómat
19:00 Svínakótelettur marineraðar með soyasósu, appelsínum ofl., grillaðar á pönnu og bornar fram með kartöflum.

Hreyfing var af skornum skammti um helgina, nema í sleðadrætti ;-) Fór út að renna með strákunum á laugardag, og dró sleða endalaust oft upp brekkur...

Dagurinn í dag:
Kemst ekki í rækt, er að reyna að klára í gömlu vinnunni minni... en mataræðið:
07:00 polar extrem með osti og sykurlausri sultu, te
10:00 Kea skyr
12:00 Salat með kjúkling
15:00 Hrökkbrauð, epli og kotasæla
18:30 Soðin ýsa og kartöflur, ásamt salati.

Á morgun fer ég í upphafsmælingu á námskeiðinu :-)

Glóin

Ný vika og ný tækifæri

2008-01-14T11:06:00.000Z

Tók vel á því um helgina, það er í átinu ;-) Hreyfingin varð hins vegar næstum engin... Ja, svona eins og hægt er að hreyfa sig ekki með 3 litla grísi í heimili.

Í dag byrja ég á nýju námskeiði. Þegar ég verð komin með upphafsmælingu þá set ég mér markmið og finn e-r verðlaun :-)

Þetta byrjar samt ekki mjög gæfulega því ég verð að skrópa á fyrsta fundinum... En svona er þetta bara stundum, þegar maður er með familíu og vinnu.

Matseðill dagsins skal vera:
07:00 2 ristaðar brauðsneiðar með 17% osti og sykurlausri sultu, te
10:30 Skyrdós
12:30 Salat með túnfiski
15:00 Banani og hrökkbrauðssneið
19:00 Spagettí og hakk afgangur, með salati.
21:00 Melóna eða epli

Ef veðrið verður ekki þeim mun leiðinlegra þá ætla ég að reyna að komast aðeins út í labbitúr með vagninn, en sé annars ekki fram á að komast í ræktina í dag.
Fer samt fersk í fyrramálið, fyrir vinnu og stefni á að lyfta aðeins.
Glóin

Föstudagur til f...

2008-01-11T10:24:00.000Z

Vonandi ekki til fitu ;-)
Gærdagurinn gekk fínt :-) Smá breyting á matarplaninu, fékk s.s. lífræna súpu frá Gló í staðinn fyrir frá Manni lifandi. En hún var amk mjög góð og örugglega holl líka. Var svo á löngum fundu eftir hádegið og missti af kaffinu, svo það leið nokkuð langt milli hádegissúpu og kvöldsúpu.
Kvöldsnarlið varð svo vatnsmelóna.
Og ég fór út að skokka með mælinn góða :-) Á 40 mínútum sagði hann mig hafa brennt 300 kcal. Sem er bara ágætt :-) Og meðalpúlsinn var 142 sem er held ég ásættanlegt

Annars er allt í góðum gír :-) Að vísu er alltaf morgunkaffi í vinnunni á föstudögum, og þá ræðst á mig freistingin sem ég get ekki staðist: BRAUÐ
En ég fékk mér s.s. 3 (litlar) nýbakaðar brauðsneiðar með osti og sultu, og passaði mig sérlega vel að horfa fram hjá sætabrauðinu ;-) Með þessu drakk ég svo ávaxtasafa og te.

Restin af deginum á að vera svona:
10:30 banani
12:30 afgangur af fiskisúpu
15:00 Skyrdós
19:00 Heimasteiktir hamborgarar með grænmeti, sinnepi og léttmayo
Kvöldsnakk: Poppkorn og ávextir.

Ég kemst líklega ekkert í ræktina í dag (kallinn í aðgerð sem gerir hann óhæfann til barnfóstrustarfa næstu daga) en reyni e-ð að hreyfa mig á morgun.

Og á morgun er líka nammidagur :-)
Það kemur mér annars á óvart hve stuttan tíma það tekur að ná súkkulaðinu út úr systeminu, mig langar bara ekkert í þegar ég geng hér framhjá fullum konfektskálum :-)

En á nammidegi leyfi ég mér ýmislegt annað en nammi, s.s. smjör á brauð, rjóma í sósur og að borða eiginlega bara pasta og brauð ;-)

En þar til næst,
Kolvetnafíkillinn Gló

Fimmtudagur strax?

2008-01-10T11:30:00.000Z

Og ég sem var rétt byrjuð á vikunni ;-)
En er annars í góðum gír.
Matseðill gærdagsins stóðst, fyrir utan að ég skipti út melónu fyrir 3 eplabita.

Ég fór líka í klukkutíma skokk um Fossvoginn í frábæru veðri :-) Komst að vísu að því að spangarbrjóstahaldarar og púlsmælar eiga ekki voða vel saman... Alla vegana neita ég að trúa því að púlsinn hjá mér hafi verið 195 slög ;-)

Í dag er prógrammið svona:

07:30 2 sneiðar af ristuðu hnetubrauði með osti og sykurlausri sultu, te
12:00 E-ð góðgæti á Manni lifandi
15:00 Skyr með vanillu
19:00 Fiskisúpa
21:00 Ávextir ef þörf krefur

Annars er líka brjálað að gera í vinnunni, sem er skemmtilegt :-)
Og ég stefni á annan skokkhring í Fossvoginum á eftir, og þá í spangarlausum haldara ;-)
Glóin

Dagur tvö; punktur...

2008-01-09T13:02:00.000Z

Nei, ég segi bara svona ;-)
Gærdagurinn gekk fínt :-) svona mataræðislega séð alla vegana...
Dagurinn í dag stefnir í góða átt, só far er komið:
8:30 2 grófar brauðsneiðar með osti og sultu, te og melónusneið (var á ráðstefnu)
10:30 mandarína og nokkrar litlar gulrætur og brokkólí
12:30 Tandorii kjúklingasúpa og smá salat m. kjúkling og kotasælu

Og það sem eftir er dagsins:
15:30 Afgangurinn af salatinu
19:00 baguette með eggjaköku
21:00 Vatnsmelóna ef nauðsyn ber til ;-)

Stefni á að nýta góða veðrið og fara með minnsta skottið mitt í göngutúr á meðan hin skottin eru á æfingu. Mæti svo ótrauð í ræktina í fyrramál :-)

Glóin

Nýtt ár, nýtt blogg ;-)

2008-01-08T10:47:00.000Z

Ójá, ég hef ekki sést mjööög lengi.
Átak haustsins gekk mjög vel framan af, og ég lauk næstum LFL áskoruninni. Í lok nóvember lenti ég hins vegar í vinnukrísu, og komst ekki í ræktina. Í framhaldinu fór mataræðið veg allrar veraldar, og svo lögðust jólin ofan á ;-)
En það þýðir ekki að sýta orðinn hlut!
Nú er bara að halda áfram í baráttunni. Ég ætla aftur á LFL námskeið og taka það af enn meiri krafti en í haust.
Markmiðið mitt er að fara niður um fatastærð, og þá ætla ég að láta það eftir mér að kaupa mér rándýra drakt, annað hvort í Donnu Karan eða Calvi ;-)
Hið eiginlega lfl átak byrjar á næsta mánudag (námskeiðið sko...) svo að ég ætla að nýta þessa viku til að koma mér í gírinn og ná súkkulaðinu burt.
Ég stefni á ræktina 3x í þessari viku, og göngutúra amk 2x. Fór í göngutúr á sunnudag, og í ræktina í gær. Kemst ekkert í dag, en ætti að komast á morgun.
Mataræðið verður líka í föstum skorðum að ég vona...
En dagurinn í dag verður svona:
07:00 Polar extrem brauð með osti og sykurlausri sultu
10:00 Banani og glas af appelsínusafa
12:00 Salat
15:00 Skyrdós
19:00 Kjúklingabringur og hrísgrjón

Bkv. Glóin aftur í gírnum

Allt í góðu gengi :-)

2007-09-19T11:21:00.000+01:00

Nammidagur var tekinn af krafti á laugardaginn, með pizzu í hádeginu, nautasteik um kvöldið, marenstertu og slatta af rauðvíni og breezerum ;-) En ég var frekar sátt við mig þegar ég hafði ekki lyst á sveittum hamborgara kallinum til samlætis á sunnudag, og fékk mér í staðinn grænmetissúpu og brauðsneið með skinku og osti...

Ég komst ekki í neina hreyfingu á mánudag, en mataræðið var svona:
07:00 Ristað brauð (2) með osti og sykurlausri sultu
10:00 Skyr.is
12:00 Ristuð samloka m. skinku og osti, ávaxtasafi
15:00 Brokkolí og gulrætur
18:00 svínakjöt, kartöflur, grænmeti og kraftsósa (s.s. soðkraftur, mjólk og sósujafnari)

Gærdagurinn (þriðjudagur)
07:00 Cherrios með mjólk
13:00 Skyr og banani
15:00 pera
19:00 pasta með pylsum og sveppum
Of lítið borðað yfir daginn, og missti út millibita... Fann það alveg á orkuleysi í verkefnum seinni partinn. Ég verð greinilega að halda mig við að fá mér skyr um kl. 10. Eins finn ég stóran mun á að borða morgunkorn eða brauðsneiðar í morgunmat, ég fæ minni fyllingu úr morgunkorninu þó að hitaeiningarnar séu svipaðar.
En ég fór og lyfti vel, og fékk loksins mína hjartfólgnu upphafsmælingu fyrir lfl :-)
Ég er s.s. upp á gramm jafn þung og þegar ég endaði hitt námskeiðið fyrir tæpum 2 vikum síðan. En fitu% er enn á niðurleið, og fólk talar um að ég hafi grennst. Ég finn það sossum líka sjálf á fötunum mínum, sem er bara skemmtilegt :-)

Í dag, miðvikudag, stefni ég á ca svona dag:
07:00 2 ristaðar brauðsneiðar með osti og sultu
10:30 Skyr.is
12:30 heilsunúðlur á Nings
15:00 ávöxtur
19:00 Fiskur
Fer út að ganga í hádeginu, og svo vonandi út að skokka í kvöld.
Bkv. Glóin

Komin úr ræktinni :-)

2007-09-13T14:38:00.000+01:00

Og alveg endurnærð :-)

Að vísu sýnist mér dagurinn stefna í svipaða vitleysu og gærdagurinn vinnulega séð :-/ En þá verð ég bara að tækla það.

Fór s.s. í Body-shape, og þar voru m.a. teknar magaæfingar dauðans ;-) Gaman að fá harðsperrur í magann á morgun...

Matseðillinn só far:
06:30 2 ristaðar brauðsn. með 17% osti og tebolli
10:30 Kea skyr með jarðaberjum
13:15 grænmetissamloka með eggjum og banani

Veit ekki alveg með kaffitímann... annað hvort skyr eða létt-jógúrt og svo e-r góður fiskréttur í kvöld :-)

Glóin

Ekkert hætt sko ;-)

2007-09-13T00:21:00.001+01:00

Bara á kafi í vinnu, sem veitir afskaplega lítinn tíma til bloggskrifa... Já, og æfinga líka. Var bara að klára vinnuna núna og treysti mér ekki út í skokk, klukkan orðin allt of margt.
Byrjaði á LFL námskeiðinu á mánudag. Líst bara vel á :-) Þekki líka gellurnar sem eru með þetta ágætlega, og treysti þeim til að píska mig áfram... Að vísu byrjar þetta ekki mjög gæfulega hjá mér ;-) Jújú, ég fór í Body Shape tíma í gær og stóð mig með prýði, en missti af upphafsmælingunni í dag þar sem fundurinn sem ég var á tafðist :-(
Vonandi sér Ester aumur á mér og treður mér í mælingu á morgun. Það er nefnilega ferlega sálrænt að fá upphafsmælingu (þó ég sé nýbúin að fá lokamælingu á hinu námskeiðinu...) og mér finnst ég ekki vera almennilega byrjuð fyrr en mælingin er frá.
Mataræðið hefur verið fínt að mestu :-) Nammidagurinn teygðist að vísu aðeins um síðustu helgi (spilar inn í að ég var að byrja á blæðingum) en ég er almennt í hollustunni í vinnunni og oftast heima líka.
Dagurinn í dag leit svona út:
7:00 2 ristaðar brauðsneiðar með 17% osti og sykurlausri sultu, tebolli
10:00 Hrein ab-mjólk m. rúsínum
12:40 Ristuð samloka m. skinku og osti
16:00 Banani og hafrakexkaka
19:00 1/2 subway í honey Oat brauði, m. kalkún og heeeeelling af grænmeti. Sleppti að sjálfsögðu öðrum sósum en sinnepi ;-)
Úff, þegar ég les þetta yfir, þá sé ég að þarna er hellingur af brauði :-/... s.s. ekki alveg príma seðill. En samt engin óhollusta, og ég kenni annríki um (þ.e. að í vinnunni er ekki um mjög margt að velja og ég komst ekki út sem og að ég kom ekki nógu snemma heim til að elda kvöldmat = kallinn "eldaði" subway á línuna...)
Þá er bara að undirbúa sig betur fyrir næstu daga!
Stefni ótrauð á body shape á morgun :-)
Glóin

2 dagar án námskeiðs

2007-09-05T22:45:00.000+01:00

Og gengur ennþá ágætlega. Hef að vísu ekki komist í hreyfingu (geeeeeeðveikt að gera í vinnunni) en mataræðið er í fínu lagi... Kannski að kolvetnin séu í hærri kantinum samt, en það helgst líka af mikilli vinnu (og því hvað hægt er að ná sér í í ákveðnum radíus frá skrifstofunni)
Stefni svo á að byrja á LFL námskeiðinu á mánudag, búin að draga vinkonu mína með og hlakka bara til :-)
En matseðill dagsins var svona:
07:00 2 ristaðar brauðsneiðar með osti og sultu
10:30 2 hrökkbrauðssneiðar með osti
12:30 Heilsunúðlur m. kjúkling
15:00 Banani og nokkur vínber
19:00 Grjónagrautur

Ákkúrat núna er ég að berjast við að ráðast ekki á e-ð gúmmulaði úr eldhúsinu... Spurning um að fá sér vatnsglas...
Bkv. Glóin

Eins og ég hélt...

2007-09-03T13:00:00.000+01:00

Þá léttist ég ekki neitt fyrir þessa lokavigtun. Eeeennnn fituprósentan mín fór niður um 6% og ég missti 13 cm af mittinu á 3 vikum og 3 dögum. S.s. léttist um 2 kg en bætti við mig 4 kg af vöðvamassa.
Er núna komin með fitu% niður í 31%, BMI stendur í 26 komma eitthvað og mittið komið niður í 80cm.
Nú er bara að halda áfram í baráttunni ;-)
Spurning hvort maður prufi danska í nokkrar vikur, til að sjá hvort vigtin haggist.

Borðaði ýmislegt um helgina, samt flest frekar hollt (ja, nema desertinn á nammidaginn) og kem bara nokkuð hress og blóðsykurjöfnuð undan helgi.

Í dag er síðasti námskeiðsdagurinn, og okkur er svo boðið í Baðstofuna á eftir :-) Voða gaman. Sé til hvort ég kemst, eða hvort að vinnan stelur af mér ánægjunni ;-)

Er mikið að spekúlera hvort ég eigi að fara á Líkami-fyrir-lífið námskeið í WC sem hefst núna eftir viku. Hef tekið áskoruninni áður, og það gekk þrusu vel. Spurning hvort maður skellir sér bara aftur í það prógram.

En nóg í bili,
knús, Glóin

Húrra fyrir föstudögum!!!

2007-08-31T13:50:00.000+01:00

Þessi ætlar samt að verða soldið erfiður, brjálað að gera í vinnunni, og ég illa sofin :-/
Gærdagurinn gekk fínt, fékk mér að vísu grænmetis- og kjúklinganúðlur í stað hakks og spagettís, en það ætti ekki að vera stóri munurinn.
Í gærkvöldi fór ég svo í saumó til vinkonu minnar og var mjög ánægð með að ég stóðst allar freistingar og hélt mig í ávöxtunum. Fékk mér að vísu 5 doritos-flögur, en það var eiginlega bara óvart...
Og áður en ég fór til hennar tók ég 45 mínútna skokkrúnt, brjálað stuð hjá mér með Millana í eyrunum :-) Það var líka svo fallegt veður.

Dagurinn í dag byrjaði ágætlega, en það er matarþurrð í ísskápnum í vinnunni (get keypt mér mat) svo að restin af deginum verður e-ð púsl.
09:00 2 brauðsneiðar með 17% osti og sykurlausri sultu
11:00 1 brauðsneið með osti (ekki til neinir ávextir :-()
12:30 2 hrökkbrauðssneiðar m. kjúklingaskinku, 1 dós skyr.is
Ég veit ekki alveg hvað ég finn mér svo í síðdegishressingu, en í kvöld fer ég í pizzupartý. Það virðist e-n vegin vera þannig að á föstudögum borða ég mest megnis brauð. Ég vona að það hafi e-ð að segja að ég vel áleggið vel, borða gróft brauð og sleppi öllu sætmeti. En líklega er það bara ekki nóg :-/
Við sjáum samt hvað vigtardruslan segir á eftir ;-)
Glóin

Svangur dagur í dag...

2007-08-30T16:11:00.001+01:00

Sumir dagar eru bara svoleiðis! Ég er búin að vera svöng frá því ég vaknaði, og millibitarnir gera ekki djakksjitt!
En gærdagurinn var alveg í samræmi við plan
07:00 Ristað brauð (2 sneiðar) með 17% osti og sykurlausri sultu, te
10:00 Banani
12:30 Kjúklingasalat
15:00 Skyrdós
19:00 Kjötsúpa og grænmeti

Fór líka á námskeiðið mitt og svitnaði vel.

Í dag er ég s.s. svöng ;-)

07:00 Ristaðar brauðsneiðar (2) með 17% osti og sykurlausri sultu, te
10:00 3 hrökkbrauðssneiðar með léttu
12:30 heilsuloka með grænmeti og kjúklingabringu (frá Laugum, ógó gott!!!)
15:30 Skyrdós (reyna að hemja hungrið með prótíni...)

Í kvöld verð ég svo með speltpasta og hakk, og fer svo í saumó í kvöld :-) Stefni á grænmeti og ávexti þar. Ætla samt fyrst út og skokka soldið.

Á morgun verður svo síðasta (og 3ja) mælingin á námskeiðinu. Fúlt að það sé einmitt daginn eftir "svanga" daginn minn :-/

En það verður fróðlegt að sjá (þar sem ég á ekki vigt sjálf)

Glóin

Allir ferskir...

2007-08-29T10:35:00.000+01:00

Í rigningunni :-)
Fór út að skokka/labba með vinkonu minni í rigningunni í gærkvöldi. Var að í rúman klukkutíma, og kom heim blaut inn að beini. Ég var eiginlega búin að gleyma hvað rigningin er góð ;-) Stauraskokkið er allt að koma, er farin að ná 2-3 bilum á hlaupum á móti einu á labbi.

Sökum anna í vinnunni í gær þá komst ég aldrei í síðdegishressinguna... En borðaði kjötsúpu með bestu lyst (og hætti áður en ég varð södd...) og hámaði grænmeti með henni. Svo var að vísu íspinni í eftirrétt, og ég lét undan þrýstingi og fékk mér einn :-/ Þetta er fyrsta eiginlega svindlið mitt í átakinu (tel fyrirfram ákveðna nammidaga ekki með) en vonandi hef ég brennt amk meirihlutanum af honum með skokkinu.

Dagurinn í dag lítur vel út, morgunmatur hið týpíska ristaða brauð með 17% osti og sultu, það bíður mín banani með morgunkaffinu, og svo fer ég út að borða í hádeginu á Vegamót. Þar er nefnilega hægt að panta mjög hollan mat :-)

Stefni svo á námskeiðið í dag, og rest af kjötsúpu í kvöldmat.

Túrílú
Glóin

Upp og niður...

2007-08-28T14:40:00.000+01:00

Úff, ég hef ekki komist í 2 námskeiðstíma í röð núna... Fyrst kom kallinn of seint úr vinnunni á föstudaginn, og svo var ég föst í umferð í gær og missti af tímanum... Fyrirfram hefði ég nú kallað umferðarteppu ekki gilda afsökun á Íslandi ;-)
Einnig hefur verið afskaplega mikið að gera í vinnu og einkalífi, svo ég hef ekki komist í aukatíma.
En það þýðir ekki að sýta það, verð bara að halda áfram! Hef verið dugleg að labba og skokka, stefni einmitt á hlaupahring í kvöld.
Hef að mestu passað mataræðið, datt aðeins í kolvetnin á föstudag (ekkert nammi/kökur samt, bara mikið af brauði) og var með löngu skipulagðan nammidag á laugardag. Stóð mig nú ekki sérlega vel í nammiátinu samt... Náði að borða 1/2 prinspóló en drakk soldið rauðvín og 2 breezera. Tókst svo að halda mér í skefjum á sunnudaginn, þrátt fyrir stórt afmælisboð með MÖRGUM tertum. Fann hollan brauðrétt og ávexti, og hélt mig bara í því.
En matseðill gærdagsins var svona:

07:00 Lífrænt jógúrt með wheataflakes
10:00 Banani
12:30 Skyr.is og 2 hrökkbrauðssneiðar m. 17% osti, gulrót og brokkolí
15:00 Epli og nokkur vínber
19:00 Steiktur fiskur (lítil olía), kartöflur, laukur, kotasæla og dijon sinnep (ógó góð sósa, dijon og kotasæla blandað saman)

Drakk nokkra lítra af vatni og slatta af tei, held mig enn frá kókinu!!!

Dagurinn í dag er svona só far:
07:30 2 ristaðar brauðsneiðar m. 17% osti og sykurlausri sultu
10:00 Skyr.is
12:30 afgangur af steiktum fiski og kartöflum

Stefni á gulróta/appelsínusafa sem síðdegishressingu, og verð svo með kjötsúpuboð í kvöld. Kjötsúpan er nokkuð sölt, en holl að öðru leyti :-) Sérstaklega þar sem ég sleppi almennt kjötinu úr súpunni, en er þeim mun duglegri í grænmetinu...

Svo er það bara námskeiðið á morgun, og svo síðasta viktun á föstudag.

Glóin

Fimmtudagur til f...

2007-08-23T10:10:00.001+01:00

Jæja, einhver leiðindi á Blogger í gær, svo að ég komst ekkert hérna inn.
En á þriðjudaginn fór ég s.s. í Spinning og OMG, hvað ég svitnaði!!! Hef ekki farið í spinning í mörg ár, og var eiginlega búin að gleyma hvað þetta getur verið gaman. Stefni á að fara aftur í næstu viku.
Mætti fjallhress á námskeiðið mitt í gær, þar var að vísu bara 1/2 tími, og svo spjall... Hefði alveg verið til í meiri brennslu.
Mataræðið í gær klúðraðist eiginlega... Það er nefnilega venjulega hægt að kaupa skyr í vinnunni, en það var búið í gær og ég hafði ekki tíma til að fara út í búð. Svo voru kallarnir búnir með kvöldmatinn þegar ég kom heim :-/
En matseðillinn var svona:
07:00 2 ristaðar grófar brauðsn. með osti og sykurlausri sultu, te og heilsutvenna
10:30 2 sneiðar melóna, vínber, sódavatn
12:30 Grilluð langloka m. kjúklingaskinku og osti, nokkrar baby-carrots
15:30 Banani
19:30 Létt ab mjólk með wheataflakes
Yfir daginn drakk ég svo ca 3 lítra af vatni og 4 tebolla.

Dagurinn í dag verður e-ð skrautlegur.
Byrjaði helst til snemma, og ég er upptekin í hádegi (get þess vegna ekki ráðið hádegismat, og ekki farið í rætkina) og í kvöld er ég líka að fara í matarboð. Stefni samt á að fara út að skokka eftir vinnu/fyrir boð. Elsti sonurinn vill nefnilega endilega fá kellinguna með sér út að hlaupa :-) Um að gera að verða við því.
Bless í bili
Glóin

Vigtunin fór vel :-)

2007-08-21T11:32:00.000+01:00

Er s.s. búin að missa rétt tæp 2 kg. á 12 dögum. Frekar ánægð með það.
Tók svo vel á á æfingunni á eftir.
Kvöldmaturinn var hins vegar ekki skv. plani ;-) Þegar ég kom heim var eiginmaðurinn (sem átti að sjá um að sjóða ýsuna og kartöflurnar) búinn að fatta að það er megavika Dominos í gangi... Svo að mín beið ein dominos extra.
Fékk mér 2 sneiðar, og ákvað að hætta þar.
Dagurinn í dag byrjar ágætlega,
07:00 2 ristaðar grófar brauðsneiðar með osti og sykurlausri sultu, tebolli og vítamín
10:30 banani

Er svo að fara í ræktina í hádeginu, á eftir að ákveða hvort ég fer í tíma eða í salinn.

Glóin

Manic monday...

2007-08-20T17:12:00.000+01:00

Jájá, aftur kominn mánudagur :-)
Ætla ekkert að skrifa inn matseðil helgarinnar. Hann var samt mjög hófstilltur, hélt mig frá sælgæti og annarri óhollustu, og smakkaði bara pinkuponsusneið af marenstertu í afmæli í gær :-)
Kókbindindið heldur líka áfram.

Það verður viktun í ræktinni á eftir, fróðlegt að sjá hvort kílóin láta e-ð undan ;-)

Hef haldið mig við það að hreyfa mig e-ð á hverjum degi, fór meira að segja út að skokka í gærkvöldi kl. 9:30... Bara svo að ég missti ekki dag úr. Skokkið mitt helgast nú samt mest af ljósastauraskokki só far...

En matseðill dagsins er:
07:00 Wheataflakes með fjörmjólk
09:00 Tebolli
12:15 Boost (jarðarberjaskyr, banani, lúka af frosnum berjum)
15:00 Hafragrautur (e-r svona skyndi, lífrænn og gasalega góður... hver pakki inniheldur 130 kcal)

Fer svo í ræktina núna kl. 17:35, og stefni svo á soðna ýsu í kvöldmatinn :-)

Bestu kveðjur, Glóin

Áframhald...

2007-08-17T15:12:00.000+01:00

Ja, gærdagurinn fór nú ekkert rosalega vel í mataræðinu ;-)
Svindlaði ekki mikið, en borðaði ekki nægt prótín
En matseðlillinn varð s.s. svona:
13:00 Subway m. túnfisk og fullt af grænmeti
15:30 Prótínbar (herbalife)
17:30-19:30 (Var sko með kaffiboð...) Brauð, ostur, lifrarkæfa, vínber, gulrætur, sellerí og brokkolí. Var nokkuð ánægð með að standast kökur og annað sætmeti, og kókbindindið heldur ennþá :-) Borðaði ekki mikið af þessu, var svona að narta og kaffi og kvöldmatur runnu saman.
21:00 Jarðaber og skyr.is m. vanillu, 2 hafrakex
Náði engri rækt í gærkvöldi :-/

Vatnsdrykkjan er enn í góðum málum.

Ég er diet-gos fíkill dauðans, en ákvað s.s. að hætta því fyrir 17 dögum síðan. Mér er farið að líða aðeins betur núna, en omg, þetta eru engin smá fráhvörf!!! Ég þamba vatn, te og kaffi í staðinn, og er líka farin að fá mér tölvuvert af sódavatni með frosnum ávöxtum út í. Ég stefni á að halda þessu bindindi sem lengst enda er ég viss um að aukaefnin og sætuógeðið er ekki hollt fyrir mann.
Ég er einnig markvisst að sleppa sætuefnum úr öðrum mat, og vel því frekar t.d. sykrað skyr en með aspartami. Aðeins fleiri kaloríur, en "tómur" sykur sem hægt er að brenna af.

Mæti fjallhress í átakið mitt í kvöld :-) Mér finnst barasta skemmtilegt að hugsa til þess að ég "á " að mæta á ákveðnum tíma, merkt við og allt ;-) Ég er hins vegar ekki mjög bjartsýn á að komast í ræktina um helgina, sé samt til hvort ég get skvísað e-u inn.
Kveðja, Glóin

Gleymdi matseðlinum...

2007-08-16T12:31:00.000+01:00

Í gær var hann s.s. svona:
Miðvikudagur
07:00 2 sneiðar ristað brauð, 11% ostur, sykurlaus sulta og tebolli, heilsutvenna
10:00 Te, skyr.is
12:00 Langloka með kjúklingaskinku og osti, tómatar, gulrætur og brokkolí
16:00 Banani
19:30 2 kjötbollur, 2 kartöflur
21:00 skyrdós, melónubitar og jarðaber
Var eitthvað óvenju svöng í gær, borða venjulega ekki eftir kvöldmat. Skrifa það fof á lítið prótein í hádegi og kaffi.

Fimmtudagur só far:
07:00 Special K og fjörmjólk, tebolli, heilsutvenna
10:30 skyr.is m. hindberjum og e-u öðru...

Held áfram eftir því sem dagurinn þróast ;-)
Glóin

Einu sinni, einu sinni ennnnnnnnn....

2007-08-16T12:20:00.000+01:00

Er komið að átaki...
Hef aldrei á minni lífsfæddu ævi verið jafn þung án þess að vera ólétt, og þarf að missa amk 15 kíló.
Það skrítna er að mér finnst óhollur matur vondur (djúpsteikt, hamborgarar oþh) og get mjög auðveldlega sleppt nammi. Eins finnst mér ógó gaman í ræktinni... En af einhverjum mjög skrítnum ástæðum þá druslast ég ekki í rætkina og raða í mig einhverjum óþverra.
En nú er farið af stað einu sinni enn.
Ég ákvað að byrja á aðhaldsnámskeiði í 4 vikur, og er nú búin með viku af því. Bara fínt, góðir tímar, fínt að fá aðhald í mætingu og mataræði til að koma sér af stað. Það er að vísu bara viktað á 2ja vikna fresti, en skv. viktinni í búningsklefanum er ég búin að missa 1 kg á þessari viku. Sem er ekkert mjög slæmt...
En ég ætla að pósta matardagbókinni minni hingað inn, og það væri fínt að fá komment (veit t.d. að ég borða almennt of mikið af kolvetnum.
Knús, Glóin